Өткен өмір өнегесі – адамның жастайынан бойына сіңірген білімі мен алған тәлім-тәрбиесі, көрген тәжірибесі мен атқарған тынымсыз еңбегінің нәтижесімен өлшенеді. Әрбір азаматтың ел ағасы атанған шағында отбасында қадірлі, ортасында сыйлы, қызметте құрметті болмаса ер атына сын келері сөзсіз «Oil Services Company» жауапкершілігі шектеулі серіктестігі саналы ғұмырын қызметке арнап, адал еңбекті жанына міндет еткен азамат Өмірзақ Изатулла Қамысбайұлы зейнеткерлік демалысына шығарып салды. Аяулы алпысты еңсерген ардагер қызметкер 2001 жылы жұмысқа қабылданған. Содан 23 жыл бойы тапжылмастан еңбек етіп, абыройлы зейнет демалысына шығып отыр. «Oil Services Company» ЖШС қызметкерлерінің жергілікті кәсіподағы» Қоғамдық Бірлестігінің төрағасы Сабиев Есентай Сисенбаев компанияның дамуына қосқан еңбегі үшін арнайы алғыс хат және қаржылай сыйақы табыстады.
- Ерінбей еңбек еткен жан нанын алаңсыз жейді. Қай кезде де адал еңбектің бағасы биік. Бүгінгі күніме жеткенім үшін шүкір айтамын. Сонымен қатар, өз әріптестеріме, «Oil Services Company» серіктестігіне ерекше алғысымды білдіремін. Сүйікті ұжымыма толағай табыстар мен үлкен жеңістер тілеймін»-дейді Изатулла Қамысбайұлы өз сөзінде.
