Көктемнің алғашқы қарлығашындай бар әлемді қуанышқа бөлейтін нәзік жандылардың мерекесі ерекше сезімдерге толы мереке. Жұмыр жерге мейірім шашып, ұрпаққа қамқор, ер азаматтардың сенімді серігі болған әйелдер қауымынсыз жарық дүниені елестету мүмкін емес.
Еліміздегі бейбітшілік пен бірлікті нығайтуға септігін тигізетін мейірімділік пен жасампаздық энергиясының сарқылмайтын көзі бар нәзік жандылардың төл мерекесімен шын жүректен құттықтаймыз! Дендеріңізге саулық, кәсіптеріңізге береке тілейміз!
Осы ретте ұлт ұйытқысына айналған ақ жаулықты аналарымызды ерекше құттықтағым келеді. Ана- отбасы берекесі. Әлемнің үзілмейтін жалғасы. Дана халқымызда "Дүниеде үш нәрсе бар. Біріншісі - күннің нұры, екіншісі - ақылдың сәулесі, үшіншісі - ананың алақаны" деген аталы сөз бар. Еліміз қашанда әйелдер қауымын қастерлеп, ырыс пен ынтымақтың алтын діңгегіне балаған. Тағы да аяулы жандардың арайлы мерекесі баршамызға құтты болсын!
Құрметпен: "Oil Services Company" ЖШС Бас директоры
Таменов Нүркен Жарылғасұлы
