"Oil Services Company" ЖШ серіктестігінде, "Жетібай-Сервис" өндірістік басқармасырда жаңа жыл - Әз Наурыз мейрамы кең көлемде атап өтілді. Ақшаңқай ақ үй тігіліп, мерекелік дастархан жайылды. Түрлі ұлттық тағамдармен көмкерілген үлкен дастархан жайылып, ас берілді.
Шараға компания басшылығы, мамандары, сала ардагерлері мен арнайы қонақтар шақырылды. Ұлан-асыр тойда жас пен кәрі құшақтасып-көрісіп, арқа-жарқа болды. Еңбек ардагерлері келіп, ұжымға ақжарма тілегін жаудырып, ақ батасын берді. Зейнеткерлерге жеміс жидектен жасалған сыйлықты қобдиша табысталды.
Өнерпаздар салтанатты жиынның көркін қыздырып, ән мен жыр айтып, би билеп өнер көрсетті. Мерекелік шара кезінде қыз келіншектер арасында қазақтың салт-дәстүрлерін дәріптейтін ұршық иіру бойынша сынға түсті. Жеңімпаздар сый сияпаттармен марапатталды.
