«ҚазМұнайГаз» ҰК АҚ (ҚМГ) еншілес ұйымдарының еңбек ұжымдары арасындағы Спартакиаданың жарыстары мәресіне жетті. Қатысушылар спорттың 11 түрі бойынша бақ сынасты: арқан тарту, қол күресі, асық ату, баскетбол, волейбол, киберспорт, шағын футбол, үстел теннисі, жүзу, тоғызқұмалақ және шахмат.
Жарыс барысында әрбір команда өздерінің кәсіби шеберліктерін көрсетіп, жеңіске жету үшін барын салды. Спортшылардың арасындағы бәсекелестік тек физикалық күш-қуатпен ғана емес, стратегиялық ойлау қабілетімен, командалық рухпен де анықталды. «Oil Services Company» ЖШС құрама командасы футбол ойынынан 2-ші орынды алды. Екінші орын алу — бұл үлкен жетістік, сонымен қатар жаңа мақсаттарға жетудің бастамасы. Ойыншылар мен жаттықтырушылар арасындағы байланыс нығайып, алдағы ойындарға дайындықты одан әрі күшейтеді.
Жанкүйерлердің қолдауы, команда үшін үлкен шабыт болып табылады. «ОСК» ЖШС құрама командасы мәртебесіне қосымша көтерілу, жаңа серпін беру. Келесі жолы алдағы шақыртуларда олар алтын медальдарға көз тігіп, барынша еңбек етуді мақсат етеді.
Спартакиада қорытындысы бойынша үздік командалар мен жеке спортшылар марапатталды. Осы дәстүрлі спорт мерекесі еңбек ұжымдарын біріктіріп, достықты нығайтып, дене шынықтыру мен спортқа ынталандыру мақсатын көздейді. ҚМГ компаниясында спорттың дамуы мен жетістіктері баршамызға мақтаныш, ал ұйымдастырылған іс-шаралар алдағы уақытта да жалғасын таба бермек. Жарыстың өткізілуі жастарды белсенді өмір салтын ұстануға, спортпен айналысуға ынталандырады.
