“Oil Service Company “ЖШС Қаламқас-Сервис ӨБ-ның қызметкерлері “Мектепке жол” акциясын ұйымдастырды. Жаңа оқу жылы қарсаңында бірнеше баланы оқу құралдарымен қамтып, оларға қажетті жабдықтарды тарту етті. Қаламқастың жігіттері өз еріктерімен балаларды қуантуға ниет білдірген. Жеке қаражат есебінен қаржы жинап, акцияға үлес қосуды жөн көрген. Білім алу жолындағы алғашқы қадамдарын жасауы үшін бірнеше балаларды оқу құралдарымен, дәлірек айтқанда, дәптер, қалам, сөмке, бояулар мен тағы да басқа қажетті жабдықтармен қамтамасыз етті. Мектепке даярлық кезеңінде осындай қамқорлық көрсету арқылы Қаламқастың жігіттері қоғамға деген жауапкершілікті ғана емес, сонымен қатар, балалардың жүрегінде мектепке деген сүйіспеншілікті оятуға ат салысты. Акцияның нәтижесінде, балалардың жүздеріндегі қуаныш олардың болашағына негіз болатын шабыт сыйлады.
